باحثــــة في هذه الحيـــــــــاه

لما تقابله أول مره

أكيد هتعيط أو هتخاف

أو هتبعد و تدور علي مكان تاني غير اللي هو فيه

لما تقابله

هتشوف أن الإنسان لسان

لما تقابله

هتعرف أنك ضعيف

هيغير مفاهيم عندك

هيبدلك

هينقلك

هيخليك تشوف آخر الرحله

هيخليك تبص لفوق

و تقوله ما لي غيرك

لما تقابله أول مره

هتعرف أن آخر الرحله لحظه

و لا تعرف إمتي … و لا فين … و لا مع مين هتكون ساعتها

لما قابلتك أول مره … بكيت .. و مافهمتش خوفي

بس تاني مره كانت أقوي

فهمتني و بدلتني و نقلتني

خلتني أشوف أنها رحله

فترة … قصيرة … طويله … مش ده المهم

المهم

عملت أيه في الرحله ؟؟؟

المزيد

ـــــــــــــــــــــــــــــــــــــــــــــــــــــــــ

التصنيفات : غير مصنف |

أرسل الإدراج

دوّن الإدراج

مش عارفه أشتمك و مش عارفه أقولك الله يسامحك

طب مش تميز …. بص كويس

ميز … أحزنت أسرة مسلمة علي حارس الكنيسة

مش كنت تبص كويس و تميز

ده مسيحي و لا مسلم قبل ما تضرب

المشكلة أن الشر مش بيميز …. ده حقيقي

الشر بياكل صاحبه قبل ما بيطلع ضد الآخر

بس هتحصد شرك

مش بقولك ده لأنك مسلم و أنا مسيحية

لألأ

لكن بقولهولك لأن ده قانون إلهي ربنا حاطه علي الأرض

كنت مسلم مسيحي بوذي يهودي ملحد

هو قانون إلهي

اللي بيزرع هيحصد

هتحصد شرك أضعاف مضاعفة

المزيد

ـــــــــــــــــــــــــــــــــــــــــــــــــــــــــ

التصنيفات : غير مصنف |

أرسل الإدراج

دوّن الإدراج

هو فيه إيه …. ؟؟؟؟

ده مش إسم برنامج تليفزيوني

لكن هو عدم إستيعاب و عدم فهم للي بيحصل في الشارع ووسط الناس

عدم إستيعاب للناس و للي وصلوا ليه

غالباً همه خلاص مش مستوعبين أن ربنا ميزهم بالعقل

وقفوه إدوه هدنه ركنوه

و فين ركنوه …. في وسط الشارع

يتداس يتخبط مش مشكله مش أزمه

مشاهد كل يوم بشوفها مش قادره أستوعبها

هو بأه فن و مهارات خاصة

هي دايره معقده جداً متداخله جداً جداً

و كانت نتيجتها إنسان غريب الأطوار يساهم بشكل أو بآخر

في تدمير من حوله و دفعهم لأن يكونوا نفسه

إنسان غريب الأطوار

الناس خلاص مستسلمه بالكااااااااااامل

حتي لما تكون في ميكروباص قاعد ورا

و عايز تنزل … عادي … عايز تنزل

و تقول للسواق بصوتك المحطة الجايه

و ما يسمعكش

عادي طبعاً برضه

بس اللي مش عادي

أن ولا واحد من اللي قدامك

يحس أنه واجب عليه يقول للسواق و يسمعه

لغاية ما تلاقي نفسك نزلت المحطة اللي بعدها

عادي برضه

قصه قصيره سمعتها من واحده قريبتي

قررت تزور بنتها في كندا

راحت تركب الأتوبيس

واقفين همه علي المحطه و ناس كتير مستنية زيهم

و لما جه الأتوبيس إفتكرت أنها هنا

و نسيت أنها في كندا

كانت أول زياره ليها هناك

فقررت تصارع لتركب

و تلحق مكان

مع صوت خلفها من بنتها بيقول ماما إحنا في كندا

المزيد

ـــــــــــــــــــــــــــــــــــــــــــــــــــــــــ

التصنيفات : غير مصنف |

أرسل الإدراج

دوّن الإدراج

بصوا من غير تريأه و لا مهزأه

هو موقف غريب .. بس عادي

أكيد كتير بيتعرضوا ليه و بقي عادي

مش بيلفت نظرهم و لا حتي بيعترضوا عليه

زي مواقف كتيييييييييييييير يومية

و الحقيقة أني ساعات مش بعترض عليه كمان و بستسلم

بس بصراحة موقف مستفز و ناس مستفزة

و كل ده علشان ايه … ربع جنيه

الأبطال: سواق ميكروباص، راكبي ميكروباص ،

و بنت عادية بس ساعات بتغاظ و بكون قوية :)،

المشهد : بعد طول إنتظار علي الموقف لإنتظار ميكروباص

و خاصة يوم الجمعة لقلة عدد الميكروباصات

و البحث عن مكان يحمينا من الشمس

يظهر ميكروباص و يتلاهف الناس علي ركوبه

هي مش لهفة هي بتكون خناقة .. و اللي يلحق مكان

و مش بتفرق رجل أم إمرأه .. كله بيزق علشان يلحق

هو بيكون موقف غريب و عجيب مالوش مثيل

الحمد لله ركبت الميكروباص بعد أحداث هذا الصراع

علي باب الميكروباص.

كنت المرأه الوحيده به و الباقي رجال

دفعت الأجرة المعتادة و هي  جنيه و ربع

و أعطيتها لمن يجلس أمامي لإرسالها للسائق

و وصلت الأجرة له

السائق يعترض

المزيد

ـــــــــــــــــــــــــــــــــــــــــــــــــــــــــ

التصنيفات : غير مصنف |

أرسل الإدراج

دوّن الإدراج

رجــــل يغادر القاهره عام 1962 ميلادية بسبب ظروف مختلفة

ربما الإضطهاد و عدم تعيينه بالكلية رغم تفوقه و نجاحه

ربما رغبته للهجرة ….. و ربما و ربما

المهم

أن ملك القلوب " د / مجدي يعقوب " إنسان بمعني الكلمة

إنسان بيتعامل مع الناس و المرضي لسبب واحد

و هو أنهم مرضـــــــــي

لا ينظر لدينهم و لا شكلهم و لا ملامحهم و لا جنسيتهم

أهم حاجه بالنسبه له أنهم مرضي محتاجين لخبرة طبيب زيه

إنسان جميل جدا

رحيم جدا

بشوف فيه معني الإنسانية اللي خلقنا ربنا بيها

لكل من شاهد الحلقة الخاصة به ببرنامج " الساعة العاشرة"

سيعرف

أن ما كتبته عنه هنا هو أقل أقل الكلمات عنه

لم أستطع بعد مشاهدتي للبرنامج إلا أن أكتب عنه

بعض الكلمات

و فقط أريد أن أترك لكم خبر أخير

أشير إليه و انا أشير بإصبعي علي السير/ مجدي يعقوب

و أقول " أنســـــــــــ

المزيد

ـــــــــــــــــــــــــــــــــــــــــــــــــــــــــ

التصنيفات : غير مصنف |

أرسل الإدراج

دوّن الإدراج

بصراحة أنا إتصدمت من الموقف

فقررت ما أتصدمش وحدي

قررت أصدمكم معايا

هو موقف كان عباره عن دقيقتين تقريباً مش أكثر

زميل لي يري علي مكتبي صورة لأحد القديسين مجرحه

و كانت الكارثة … أن أن أأأأأأأأأأأأأأأأأأأأأأأ

حبه أعملكم موسيقي تصويرية بس

المهم ….. انه إبتدا يسأل ليه الصورة مجرحه؟؟؟

و مين جرحـــــــــــــــــــها؟؟؟؟

طبعاً علشان يكفره - يا نهار مش فــــــــايت

لكن لأنني شجاعه و لا أخاف

قررت أقوله أنه أنا الفاعل

و كانت بداية الكارثة

و لماذا فعلتي ذلك ؟؟؟

قلت له مافيش … كنت عايزه أستخدم الكاتر و ما كنتش عايزه الزجاج يتجرح بتاع مكتبي

قال : و إزاي تعملي كده بصورة القديس - و هو مأهـــــــور

قلت له : مالها صورة القديس

تجريحي ليها ما يقلقش من قيمة القديس

قيمته زي ما هي - مش هتقل حتي لو قطعتها

المزيد

ـــــــــــــــــــــــــــــــــــــــــــــــــــــــــ

التصنيفات : غير مصنف |

أرسل الإدراج

دوّن الإدراج

من أنا في وسط هذا ؟

من أنا في وسط هؤلاء ؟

هل أنا غريبة الأطوار ؟

أم أنني لم أتعلم بعض فنون الحياة بعد ؟

وجوه و ماسكات أراها .. تتغير و تتلون

من أنا في وسط هؤلاء ؟؟

كثيراً ما أتوه …. و أتساءل من أنا ؟؟

أبحث عني داخلي و وسطهم

أحداث و أحداث … جبال و هضاب

المزيد

ـــــــــــــــــــــــــــــــــــــــــــــــــــــــــ

التصنيفات : غير مصنف |

أرسل الإدراج

دوّن الإدراج

تجمعنا عند السيارة .. جلست في المنتصف في الكنبة الخلفية .. بدأنا نتحرك … أفكر في ما سوف أشاهده و ما سأسمعه وما سأقوله

فكرت إحدانا أن نصلي .. كنايجب أن نفعل ذلك .. وصلنا للمعهد و خرجنا من السيارة نحمل كيساً بداخله بعض الهدايا البسيطه

نسأل في إستعلامات معهد الأورام عن السيده المسأوله عن دعوتنا للمعهد .. و كان الرد .. هل معكم خطاب مختوم رسمي .. و كان الرد نعم لدينا و لكنه مختوم من ختم الكنيسة و ليس عليه موافقة المعهد .. إصطحب رجل الإستعلامات زميلنا بالخطاب الرسمي للطبيب المسئول .. الرحمه لابد أن تكون رسمية

رفض الطبيب و كتب علي الخطاب أنكم لابد أن تخبروا المعهد قبل ميعاد الزيارة بأسبوع و كل عام و أنتم بخير

خرجنا ووقفنا عند السيارة بداخلنا مزيج من الإحباط و الأمل … فكرنا أننا لابد أن نتصل بالشخصية المسئوله عن دعوتنا وصلنا لها بعد خليط من الأمور غير المنظمة من عدم تواجد رقم تليفونها إلي عدم وجود تليفون نتصل منه .. و لكننا وصلنا إليها و قالت " تعالوا إلي في البوابة الثانية هستناكم هناك" ..أمل جديد بعد فترة من الإحباط

وصلنا لها وجدناها تنتظرنا مثلما قالت .. إبتسمت وجوهنا و لكن العامل المسئول عن البوابة طلب خطاب رسمي .. قلنا لقد مضي عليه بالرفض.. صمتنا جميعاً للحظات و بداخل صمتنا إحباط

و لكن هي طلبت الخطاب و ذهبت به إلي الطبيب المسئول …و لا أعرف ماذا حدث و لكنها رجعت لنا بالأمل و الموافقة بالدخول فرحنا جداً و بدأنا نستعد للصعود و لرحله بعالم جديد لم أكتشفه من قبل … عالم ملئ بالأسرة المليئة بالأطفال المرضي من أعمار مختلفة 45 يوم - 3سنين - 10 سنين - 15 سنه … كنت أجول بوسطهم أعطيهم هدايا عبيطه ( ساعة يد بلاستيك - بوك صغير - لعبة ) و هم ينظرون إلينا و كأننا آلهه .. يشكرون و يبتسمون رغم آلامهم رغم عبط الألعاب … كنت أقبلهم .. فقط كنت أريد أن أقول لهم أحبكم و أنتم مرضي لن أخاف منكم و أنتم بلا شعر أو يظهر عليكم الضعف

ولد صغير إقتربت من سريره لأعطيه لعبه .. إبتسمت أمه إبتسامه جميله و قالت لي بلاش اللعبه تعالي إلعبي معاه أحسن ضحكت و بدأت أداعبه و بدأ أصدقائي يلتفوا حوله معي و يشاكسوه .. رحله كانت مليئة بوجوه أطفال مرضي و وجوه أمهات مبت

المزيد

ـــــــــــــــــــــــــــــــــــــــــــــــــــــــــ

التصنيفات : غير مصنف |

أرسل الإدراج

دوّن الإدراج

في البداية أقدم شكري لصديق ساعدني في إختيار العنوان " إختلاف و أوصاف "

ألا تعود فتحيينا و تبني ما إنهدم فينا

الصلوات إختلفت … الإحتياجات إختلفت …طريقة التفكير إختلفت

كمان الكلمات إختلفت … طريقة التعبير إختلفت .. النظرات إختلفت

الخبرات إختلفت .. الوقفات إختلفت .. وجهات الن

المزيد

ـــــــــــــــــــــــــــــــــــــــــــــــــــــــــ

التصنيفات : غير مصنف |

أرسل الإدراج

دوّن الإدراج

لازم يكون اللبس كده

لازم تكون الصلاه كده

لازم تكون الطقوس كده

و لما تسأل ليه كده….. يقولوا هو كده !!!!

لما تقول لهم لازم نحب بعض لازم نقبل بعض

ييجوا عند لازم هنا و تكون مشكله

لازم كل حاجه لكن لازم نحب لأه

لازم نقبل برضه لأه ….. ناس غريبه

في الشغل يسألوك أنت مسيحي؟؟

و في  الكنيسه يسألوك أنت أورثوذكسي؟؟

و لما تقول لهم أنا مسيحي بس مش طائفي

يبرأوا و يقولولك .. دي طايفة جديدة؟؟

كنت أفكر أن الأورثوذكس بس همه اللي فاكرين نفسهم صح و الباقي غلط

بس لما شفت طوايف ثانية فيها ناس بتفكر نفس الفكر

عرفت أن الموضوع مش موضوع طايفة

ده موضوع فكر.

المزيد

ـــــــــــــــــــــــــــــــــــــــــــــــــــــــــ

التصنيفات : غير مصنف |

أرسل الإدراج

دوّن الإدراج